Мамандық әлеміне саяхат

2018 жылдың    16-қаңтар күні Алматы облысы, Сарқан ауданы «Ы.Алтынсарин атындағы орта мектеп» КММ –де 9,10,11 сынып оқушылары арасында «Мамандық әлеміне саяхат»  атты тақырыпта тренинг-сабақ өткізілді. Тренинг сабақтың мақсаты: мамандық таңдау кезінде 9-11 сынып оқушыларына бағыт-бағдар беріп,  таңдау мүмкіндіктерін шешу.Адам өмірінде мамандықтың алатын орны, маңызы    туралы түсінік қалыптастыру. Тренинг барысында оқушыларға мамандық таңдау ережелері, мамандық таңдаудың оңай жұмыс еместігін, мамандықты темпераментке сай таңдау керектігін, тіпті, әлемдегі ең қауіпті мамандық тізімін де айтып,түсінік берілді. Әлемде өзі қаламайтын мамандық иесі болып жүрген қаншама адам бар, өз жұмысын жанымен сүйіп істейтін адамдардың да саны аз емес. Таңдаған пәндері бойынша қандай мамандық иесі бола алатыны туралы мектебіміздің директоры Мусина А.Д. мен оқу ісінің меңгерушісі А.М.Имангазиева, тәрбие меңгерушісі А.О.Мухамадиева  жалпы шолу жасап, кеңінен түсінік берді. Оқушылармен мамандыққа байланысты әртүрлі ойын-жаттығулар мен тест ұйымтастырған мектеп психологлары Ермекқызы Қымбат пен Ахметова Қарлығаш мамандық таңдаудың тамаша жолдарын көрсетті.. Тренинг соңында әр оқушы бұл сабақтан алған әсерлерімен бөлісті. Мамандық таңдаудан жаңылмай, өз өміріңіздің бір кірпішін дұрыс қалауыңызға және еліміздің айтулы мамандық иесі болуларыңызға тілектеспіз