«Мағжан оқулары» ғылыми – шығармашылық конкурсы өтті
Қаңтар айының 23 – ші жұлдызында Сарқан ауданы, Сарқан қаласы №1 мектеп –гимназиясы базасында аудан аралық «Мағжан оқулары» ғылыми – шығармашылық конкурсы өтті.
«Мағжан оқулары» байқауының негізгі мақсаты : «Рухани жаңғыру» бағдарламасын, Қазақстан Республикасының Тілдер туралы Заңын іске асыру аясында жалынды ақын Мағжан Жұмабаевтың мұрасын жас ұрпаққа насихаттау, ұлттық құндылықтарды дәріптеу. Елжандылыққа баулу, дарынды оқушыларға қолдау жасау.
«Мағжан оқулары» 5 номинация бойынша өткізілді.
«Жасынан оқу қуып, өнер қуған» шығармашылық зерттеу жұмыстары номинациясы бойынша 9 «А» сынып оқушысы Серікболқызы Ақбілек жүлделі 2 – орынды иеленді. Жетекшісі: Мамраева Ж.А
«Ақын да бір бала ғой айға ұмтылған» ақынға арнау номинациясында 10 сынып оқушысы Әбеуталып Роза жүлделі 1 – орынды қанжығалады. Жетекшісі: Хасенова Р.С
«Мағжан поэзиясы – метафоралық бейнеде » ақынның шығармаларына сурет салу номинациясы бойынша 8 «А» сынып оқушысы Тұтқабаева Алтынай 3 – орынға ие болды. Жетекшісі: Байсеитова Ж.Е
«Таза, терең, өткір, күшті, кең тілім» ақынның шығармашылығы мен өмір баянына шолу тіл – мәдениеті номинациясында 3 – орынды 8 «А» оқушысы Сексенбай Азиза жеңіп алды. Жетекшісі: Смаков М.Қ