"Ашық есік күні"

Сарқан ауданының Төтенше жағдайлар бөлімінің қызметкерлері 12 ӨСБ-де ,Ы.Алтынсарин атындағы орта мектебінің оқушыларының қатысуымен «Ашық есік күнің» өткізді. Алғашқы сөз «Өрт сөндіруші» мамандығы туралы басталды.Өрт сөндіруші мамандығы – өте маңызды және қауіпті. Өрттерді шебер әрі тез сөндіру үшін, ержүрек адам болу кемшілік етеді, өрт қауіпсіздігі ережелерін, өрт сөндіру техникасын және отпен күресу амалдарын білу қажет. Өрт сөндіруші епті әрі күшті болуы міндет. Ол үшін олар спортпен шұғылдануға үлкен назар аударады, жаттығу барысында өрт сөндіруде қолданылатын арнайы тәсілдер мен жаттығуларды шынықтырады. Өрт сөндірушілер әр минут сайын өз өмірлерін тәуекел етеді, өзіне қауіп төндіреді.Осындай құнды ақпараттарды алып,оқушылар ары қарай ӨСБ таныстырылды,жалпы 50 оқушы қамтылды. «Өрт болған жағдайда өздерін қалай ұстау керектігін» және оны қалай болдырмауға болатының,өрт болған жағдайда қайда хабарласу,алғашқы өрт сөндіру құралдарын қалай қолдану керектігі жайлы «Балалардың әрекетінен болатын өрттің алдын алу» тақырыптарында эсккурсия өткізілді.
Мақсаты: Мамандық таңдауда жауапкершілікті қалыптастыру, оқушыларға мамандықтың түрлері, олардың адам өміріндегі маңызы туралы түсінік бере отырып, өз бейіміне сәйкес мамандық таңдай білуіне ықпал жасау, кәсіби бағдар беру, мамандық әлемінен ақпараттар алу, қазіргі заманның тапшы мамандықтарын көрсетіп, сол бағытқа қарай бағыттау, өз пікірін еркін айтып, өзгенің пікірін сыйлай білуге, жүйелі ойлауға баулу, оқушыларды терең білім алу жолында үздіксіз еңбектенуде еңбекқорлыққа тәрбиелеу.