Жас маман – Жас тұлға
«Ы.Алтынсарин атындағы орта мектебі» коммуналдық мемлекеттік мекемесі «Жас маман – Жас тұлға» тақырыбында мектепішілік жас мамандарға арналған семинар
Мақсаты: Жас мамандарға әдістемелік көмек көрсету.
Биылғы жылы мектебіміз жас мамандармен толықты. Математика, ағылшын, музыка пәндерінен жаңадан ұстаздар келсе, 3 жылдық еңбек өтілдері бар ұстаздарымыз да бар. Жалпы жас мамандарға әдістемелік көмек көрсету мақсатында және пікір алмасу, сұхбат алу жұмыстары жыл бойына жоспарланған болатын. Осы орайда, 17.10.2023 жылы оқу-тәрбие жұмыс жоспарына сәйкес мектепішілік жас мамандарға арналған «Жас маман – Жас тұлға» атты алғашқы семинар өтті. Семинарға жалпы 10 жас маман және тәжірибелі психолог маманымыз Ермекқызы Қымбат қатысты. Семинар барысында ұстаздардан педагогикалық қызмет жолындағы жетістіктердің басты қағидаттары мен ұстаздық жолда кездесетін қиындықтар жайында сауалнама алынды. Мектеп әдіскері Жұлдыз Амантайқызы жас мамандарға педагогикалық қызмет жөнінде кеңінен түсінік беріп, негізгі қандай құжаттармен жұмыс жасау керектігі жөнінде ақпарат берді.
Семинар соңында мектеп психологы Ермекқызы Қымбат « Менің жақсы – жаман мінездерім» атты тренинг өткізіп, тамаша көңіл-күй сыйлады.
