Аудандық «Мұқағали оқулары»

           Республикалық жалпы білім беретін оқу орындары оқушылары арасында өтетін аудандық  «Мұқағали оқулары» «Ы.Алтынсарин атындағы орта мектебі» КММ-нің базасында жоғары деңгейде өтті.

         Мақсаты: оқушылардың поэзияға деген құштарлығын арттыру, өлең сөзінің құдіреті мен қуатын жанымен сезініп, жүрегімен түсіне білуге, ой пікірлерін ғылыми тұрғыда дәйекті жеткізе білуге баулу.

   Аталған байқауда мектебіміздің оқушылары 3 номинация бойынша өз өнерлерін көрсетті.Атап айтсақ:

Аудандық "Мұқағали оқуында" Сексенбай Азиза, Айтқали Ислам жүлделі 3-орынмен марапатталды.

Алпысбай Мерей "Үздік Жас Дарын" номинациясын жеңіп алды.

 1-номинация «Айтып өткен ақында арман бар ма?» бағытында оқушылар ақынның өлеңдерін жатқа оқыды. 

 2-номинация «Жыр эстафетасы» бағытында үміткерлер ақынның 3 поэмасын да жатқа оқыды.

 3-номинация «Көкірегімде жыр сәулесі маздайды...» бағытында жас талапкерлер өз шығармашылығы бойынша ақынға деген өз арнауларын арнады.  Жалпы ақын жанды, ақынның жан толғанысын, ішкі сезімтал тебіренісін жақсы түсіне білетін, өз талабы мен таланты бар дарындар қатысты. Нәтижесінде 1-ші номинация бойынша № 54 мектептің, 2-номинация бойынша Әл Фараби атындағы орта мектебінің 10-сынып оқушысы Солтан Салиха, 3-номинация бойынша оқушылар дара шығып, облысқа жолдама алды. Қара өлеңнің құдіретін түсінетін, жан тәнімен сүйетін оқушыларымыздың қатары сиремесін деп тілейік!