Сарқан Политехникалық колледжі мектеп оқушыларына ашық есік күн ұйымдастырылды
Бүгінгі күні мектеп бітіруші түлектерді ерекше толғандырып отырған басты мәселе – мамандық таңдау. Олардың алдында сан тарау жол жатыр, алуан түрлі мамандық күтіп тұр. Әр жүректе бір арман. Ол – қоғамға қажетті мамандық таңдап, қалаған мамандығының иесі болу. Осы орайда Сарқан Политехникалық колледжі мектеп оқушыларына кәсіби бағдар беру мақсатында оқу орнында 28 сәуір күні ашық есік күнін ұймдастырды. Ашық есік күніне аудандық мектеп оқушылары шақырылып, мерекелік концерттен бастау алды.
Бұл іс-шараның мақсаты – талапкерлерге аса маңызды таңдау жасауға болашақ мамандығын таңдауға көмектесу. Орта арнаулы кәсіптік білімге қашан да сұраныс жоғары.Тек қажеттілігін, оның тиімділігін түсіндіре білген жөн. Кездесу барысында көптеген шаралар өтті. Колледж оқытушылары келген оқушыларды тіркеп, оқу кабинеттеріне шығарып салып отырды. Колледж бойынша саяхат жасалды.
Колледж дәліздері мен оқу кабинеттері мерекеге сай безендірілген. Экскурсия кезінде мектеп оқушылары колледждің тарихымен, материалдық базасымен танысты, жаңадан ашылған ветеринария кабинеті,жатақхана,асхана, тігін кабинеті,көрме залын аралады. Ашық есік күнінде оқушылар колледждің оқу ісімен танысып қана қоймай,сондай-ақ студенттердің жұмысын көрді.
Посмотреть онлайн файл: 1-mamyr-aparat-1.docx