Ғаламның ғажайып сандары. Сан есімнің мағыналық түрлері ашық сабақ

Онкүндік аясында қазақ тілі пәні мұғалімі Хасенова Римма 5-сынып оқушыларымен " Ғаламның ғажайып сандары" тақырыбында ашық сабақ өтті.

01.02.2023-15.02.2023 аралығында «Лира» пәндер бірлестігінің «Өзге тілдің бәрін біл, өз тіліңді құрметте» атты апталығы ұйымдастырылды. Жоспарға сәйкес  қазақ тілі мен әдебиеті пәнінің мұғалімі Хасенова Римма Советкалиевна 5 «Б» сынып оқушыларымен қазақ тілі пәнінен Аспан әлемінің құпиялары бөлімі бойынша «Ғаламның ғажайып сандары. Сан есімнің мағыналық түрлері» тақырыбында ашық сабақ өткізді. Сабақ жаңа форматта қызықты әрі тартымды болды. Сабақ барысында қолданылған әдіс-тәсілдер тақырыппен үйлесім тауып, сабақтың мақсатын ашты. Өз кезегінде оқушылар да белсенділік танытып, алған білімдерін ортаға салып, өз пікірлерін ашық айтты.    Оқу бағдарламасына сәйкес оқу мақсаты алынып, «Мәңгілік елдің құндылығы жалпыға бірдей еңбек қоғамы» негізімен бастау алды. Сабақ барысында оқушылар белсене қатысып, Сан есімнің мағыналық түрлерін ажыратып, меңгере алды.